諸葛梓岐唱R&B男友讚Cute
諸葛梓岐（Marie）昨日帶病與Jocelyn一起為Coach擔任模特兒演繹最新秋冬手袋系列，她透露到台灣和日本工作完後便會跟男友、Neway二公子薛嘉麟出埠慶祝生日，Marie說：「一陣要飛台灣做嘢，我有啲發燒，呢排成日飛，14日喺台灣返嚟後，15日就再飛日本做嘢，18日返嚟之後又再飛。（會唔會結埋婚返嚟？）你唔好嚇我啦，邊有咁快呀，大家都未有共識。（係咪因為遊船河事件？）唔關事，係想工作先。（去一個神秘嘅地方？）去一個舒服嘅地方，陽光與海灘。（係咪男友安排晒？）我好老實o架。」說罷即甜笑點頭。
想走性感路線
她表示生日願望是身體健康，多些工作以及作多方面發展。至於進軍日本樂壇的事，問到是否簽了環球唱片？她說：「要等公司講。（同Angelababy爭喎？）唔會，我覺得Baby成績好好，好叻女，唔會係競爭對手，希望大家都做多啲嘢。（有冇唱過你首新歌畀男友聽？）佢有聽過，佢話好Cute吖，首歌係英文加日文嘅R&B。（會唔會走性感路線？）我都想，不過唔知自己條件啱唔啱。（男友會唔會唔畀？）唔會，佢喺呢方面唔係點理。」
文：名人組