人拖勢眾
近日英國有研究報告指穿人字拖步行時的壓力會令腳掌受壓，令雙腳痛爆之餘亦有「拗柴」風險，據英國《每日郵報》指出當地一年接近二十萬人因着人字拖出事！不過潮人一向要靚唔要命，因為人字拖已成Fashion！
着人字拖要着得好睇又夠潮，純粹與個人氣質有關，錢與名牌絕對是不能搭夠！問題等於王菲同自己着同一款人字拖出街，邊個型？邊個似街坊？大家心中有數！
文：名人組
型人組
身形高大的Rain，鍾意露肌肉之餘亦愛露腳趾，夏日炎炎阿Rain就最愛着人字拖，身形高大加靚仔，露腳趾都型過人。
王菲的衣着品味不必再吹捧，早前她特別買了一條古董裙配人字拖出席演唱會宣傳活動，前無古人，係佢先諗到！王菲的「型」絕對係感覺與氣質再加身形比例的結合。
謝霆鋒歷年來都喜歡着人字拖，之前喜歡着LV人字拖行街出席活動的霆鋒，扮粗獷型男深入民心，食正明年2011春夏潮男Look！
去沙灘着人字拖十分正常，其實Jessica C.的裝束絕對與潮無關，不過勝在擁有修長雙腿，加上身材出眾搭夠，白滑長腿着乜都出色，天生麗質，冇得恨！
天橋組
Marc Jacobs 2010女裝推出的大量靚鞋，都是人字拖變奏版。
Vivienne Westwood的2011年春夏就搞出着人字拖的粗獷型男。
街坊組
大熱天時，謝安琪着人字拖出席戶外活動是理所當然，不過她的Tee與高腰褲已格格不入，再加人字拖時反而變得十分古怪，忽然由歌星變回街坊味的張師奶！
不要問為甚麼千金小姐何超蓮跌入街坊組，因為她被發現着人字拖當時，的確係落街。