阿Sa感動眼濕濕

昨日蔡卓妍（阿Sa）和林峯於成都巡迴各戲院造勢，而《翡翠明珠》特別場的門票半小時巳售罄，並已打破當地票房紀錄。阿Sa接受電話訪問說：「今（昨）日晨早五時由北京出發往成都，出席新聞發布會、電影特別場活動和兩個影友見面會，仲要巡戲院宣傳，雖然好攰，但見到fans冒雨支持。我知佢哋一早排隊買飛，淋到成身濕，剛才在見面會時送我蛋糕，仲用廣東話唱《相愛六年》，唱得好標準，佢哋練咗好耐，所以更加感動，不過我忍住只係眼濕濕，因為一喊就不可收拾。」同場的林峯就收到fans送的熊貓毛公仔，寓意他在fans心中地位好比「國寶」重要。

咀戲欠火候

新戲明天上映，適逢數日後是「七夕」中國情人節，前晚在北京宣傳活動上，大會要求阿Sa與戲裏情人林峯互餵士多啤梨晒恩愛，但原來林峯最怕食士多啤梨，結果為了配合活動獻出「第一次」。而新聞發布會上，林峯與阿Sa的接吻場面成焦點，林峯踢爆導演嫌最初「點到即止」的Kiss鏡頭不夠火候，結果要他們專程回北京補拍激情咀戲。

文：專案組