方大同連環冧招搞喊薛凱琪
薛凱琪（Fiona）昨天29歲生日，剛完成澳洲巡迴騷的她，獲緋聞男友方大同製造台上驚喜，之後兩人暢遊墨爾本時，大同又勇救佳人，令Fiona十分窩心。
壽星女Fiona昨日放假，可以好好享受生日，問到生日願望？她說：「希望身邊及所有認識嘅人，每天都過得快樂開心。」Fiona剛跟大同完成澳洲巡迴演唱會，去了悉尼、墨爾本等地演出，8日那天在悉尼演出最後一場騷時，大同悉心為Fiona製造生日驚喜。
感動到眼濕濕
大同事先與樂隊夾定，當Fiona唱完歌後，即奏起生日歌音樂，大同帶領全場觀眾同唱生日歌賀壽星女Fiona，令她驚喜不已，感動到眼濕濕，完騷後大隊去消夜，鬼馬的Fiona將一碟芋頭雞砌成蛋糕形，還在上面插蠟燭扮生日蛋糕，玩到十分開心。
解髮絲好心甜
在墨爾本一站，Fiona和大同趁機逛街遊玩，當兩人在一堵寫滿字的牆前合照留影後，Fiona突然大叫一聲，原來牆上有釘子，剛巧鈎着她的頭髮，令她動彈不得，場面爆笑，大同即時英雄救美，細心幫她拆解髮絲，令Fiona十分窩心！
文：音樂組