曬得一身古銅膚色的任達華昨晚出席活動時，大罵有公司將私人資料外洩，令他受盡滋擾：「有財務公司一日打成七次電話嚟，無論我去到英國定係紐約都收到呢啲電話，激到我早排搽太陽油嘅時候唔小心跣咗部iPhone4落水，我之前喺英國買咗成八千蚊！政府應立例規管！」
不過，一提到將升讀小一的愛女任達華便滿臉笑容：「依家佢同媽咪喺維也納，廿日冇見過佢，佢學識咗用電腦打我個名搵我啲資料，真係好醒目！」
