伊健爆蒙嘉慧融入家中
早前有報道指鄭伊健和女友蒙嘉慧（YoYo）及家人到日本旅行，不過YoYo卻嫌兩老做電燈膽而不悅。昨日伊健出席活動時就為女友澄清，直言女友已經「融入家中」，莫非YoYo已成了鄭家的「親密僱傭」？
昨日鄭伊健與熊黛林一同出席The Body Shop美髮用品活動，其中伊健被問到是否與女友好事近？他即笑笑口說：「成日都講我哋結婚o架啦！」記者笑指女孩子不能久等？他即得戚地說：「你又知佢唔等得？可能佢等得呢！」
最嬲旅行被偷拍
伊健又謂現時很享受和YoYo的拍拖關係，但提到早前被狗仔隊偷拍他們及家人到北海道旅行就氣難下，是否YoYo因此嬲爆？他說：「又唔係話嬲爆，但都有啲嬲囉，好在最後都撇甩到狗仔隊。」伊健又強調女友和家人相處融洽，更笑言女友已融入其家中。那何時拉埋天窗？他續說：「我哋冇講呢啲，總之真的假不了，假的真不了啦！」
Lynn唔同舒淇比
而穿上性感tube dress示人的熊黛林（Lynn）就大騷長腿，對於男友郭富城大讚舒淇是首席性感美女？Lynn也夫唱婦隨說：「佢真係好靚，係健康性感，我哋冇得比較。」她認為城城稱讚對方是出於風度：「佢可以去讚一個人，表現好大方同有風度。」問到覺得自己哪部分最性感？她說：「腿，（城城呢？）好難講，我都係唔講，再講又中你哋招。」其後又不自覺指城城身形最性感，而拍戲和開個唱時亦十分吸引！
文：名人組