周秀娜拉傅穎結盟孤立JC

娜姐、JC、傅穎、A. Lin、Jeana、DaDa Lo等人齊齊穿起沙灘排球裝，為新片《熱浪球愛戰》作特訓。現場所見，周秀娜、JC和Jeana身材最為出眾，無論「扣殺」、「救球」均甚有睇頭。但娜姐和JC於現場甚少交流，合照時JC又胸頂傅穎，促使了娜姐與傅穎同一陣線不時咬耳密斟，JC慘被孤立。而自知「球技」不如人的傅穎，外加T-Shirt遮掩身材，她卻解釋說：「我露臍喎，膊頭早前曬傷咗，所以加件衫，其實我好少揚開，寫真係平面就可以，但3D都係有少少保留，今日已經豁咗出去，我哋又唔係鬥身材！」

讚敵護友

身為傅穎「黨羽」的娜姐亦處處維護對方，先讚JC好身材、好靚之餘，問到傅穎是否身材欠奉，她說：「着咗運動裝大家都冇乜o架啦。（佢好多布喎。）唔通着樽領咩。」問到會否擔心身材有比較，娜姐巧妙地說：「套戲係需要咁多女仔。（大雨（乳）？）唔會浸死人嘅。我哋相處咗三個月，大家都好好。」JC亦大方表示各個女仔都身材好，自己沒有因身材好而影響打排球，指好身材的女仔打排球才能展現美態。

娜姐與傅穎不時行埋密斟，明顯埋堆。

合照時JC胸頂傅穎，結果慘被孤立。

文：影視組