安仔落晒形 Sammi代抱不平
（呂詠雯澳門直擊）最近許志安飽受感情問題困擾，更令舊愛Michelle承受負面新聞，昨日一臉愁容的他公開向Michelle道歉，又指鄭秀文（Sammi）絕非第三者，而Sammi出席另一活動時亦力撐安仔為人。
安仔宣布與女友Michelle（余德琳）分手後，即傳出與Sammi復合傳言，其後Sammi在微博上發表千言書，坦認曾想與安仔復合，但從未發生過，安仔的負面新聞亦接踵而來，幾位主角都飽受困擾。
生日工作中過
昨晚安仔與泳兒出席《勁歌金曲》錄影，安仔一臉愁容地作出澄清：「最近有關我同Michelle嘅離譜傳聞都係不實，逼婚、同居、偷睇SMS都係冇！」他又不忘向舊愛Michelle表示歉意：「佢係圈外人，唔應該承受呢啲，咁對佢唔公平！我衷心同佢講句sorry！希望大家畀空間佢過自己嘅生活。（佢受困擾？）我睇到都會，我都好難過。（Sammi撐你喎！）自己知就OK，麻煩到身邊任何人都唔好意思。（你落晒形！）因為要認真咁面對，要勇氣。」他又力指Sammi絕非第三者，分手一事與她無關。提到與Sammi同於本月生日，會否交換禮物？安仔斬釘截鐵地說：「唔會！我生日喺工作中度過。」
其後安仔收拾心情，在台上有講有笑，因現場播放昔日新秀片段，他搞笑地指張衞健奪獎時似胃痛，但播放Sammi的片段時，安仔卻不在場內。最後大會送上蛋糕祝賀今天生日的安仔，問到願望，他說：「個個都開開心心。」
已交代冇補充
另邊廂，Sammi昨日到澳門出席活動，引來大批傳媒採訪，心情似乎不錯的她全程笑晒，但她表示已在微博中交代感受，故多以「冇補充」作回應，問到心情如何？她說：「幾好，冇咩特別！（有冇睇你哋啲報道？）完全冇補充！」對於有指安仔受身為基督徒的她影響，拆去家中的風水陣，Sammi說：「冇補充！（有冇返教會？）會！點解唔返？」她又表示生日將與同事度過，對於安仔被外間描繪成衰人，Sammi終忍不住為舊愛抱不平：「識佢嘅人就知佢唔係咁，佢同事都知！」此外，Sammi接受內地傳媒訪問時表示自己九日冇出過街。
而昨日梁漢文接受查小欣電話訪問時表示，曾想與好友開學校，他可教彈琴，蘇永康教唱Jazz，張衞健教演戲，問到安仔是否教人處理感情問題？梁漢文說：「我哋四個都可以，我冇乜睇佢啲新聞o架！」他又謂身為知己朋友，不宜講太多，總之尊重安仔決定，不過祝福安仔事情快完結，因對他們三個都不好受。
文：影視組