劉欣宜否認戀情 愈描愈黑
「E Cup Baby」劉欣宜被本報拍得與組合4anda成員Jason拖手逛傢俬店，令這段一直否認的戀情正式曝光。昨日劉欣宜與好姊妹李蘊到粉嶺出席活動，劉欣宜依然否認蜜運：「咁啱我搬屋，嗰日Jason咪陪我去揀傢俬囉！我哋只係好朋友，總之關係未到穩定，我唔會作任何回應。」雖然拖手「罪證確鑿」，但劉欣宜愈解釋愈覺掩飾！她強調與4anda四子感情要好，問到四子是否都被她拖過？她即尷尬拖着李蘊的手：「我夠拖李蘊啦！」
問兩女是否到新界大西北，想避開在尖沙咀搞活動的周秀娜和Angelababy？劉欣宜謂：「我哋都唔知佢哋喺尖沙咀搞活動，呢個活動已一早book咗我哋。」有指o靚模寫真欠藝術性兼意淫，李蘊對此說：「每個人睇法同角度唔同，最緊要係我哋影得健康，同埋支持我哋嘅人覺得有藝術性。」
