王晶：白龍王危險期已過
每年吸引大批善信到泰國求見的白龍王，近日傳在泰國秘密入院並病重插喉。記者聯絡上王晶，他說：「最危險嘅時期已經過咗喇，我今日下晝打過畀嗰邊了解，知道佢已經冇事，復原當中。（出咗院未？）佢仲喺醫院，因為肺度有隻菌仲未查出嚟，多謝大家關心。以我所知佢應該係食咗啲蟹，搞到個胃唔好，但插喉嘅時候又插損咗個肺，所以先會咁，總之多謝大家關心。」
曾到泰國求見白龍王的舒淇，她表示得知消息後已第一時間致電導演劉偉強，她說：「劉偉強喺泰國做緊後期，我打咗畀佢，佢有探望白龍王。我知佢未出院，但唔係好大件事。」
而身在外地的劉偉強透過電話說：「我聯絡過師兄，上星期探過佢，冇乜事，都係感冒有啲咳啫。（傳要插喉？）插喉係幫佢清痰啫。（你送佢入院？）唔係我，第二個人送。」