Carol遭狠批意淫舌戰口窒

Carol昨晨與書展文化活動顧問團成員之一伍曼儀接受電台訪問，以素顏學生look迎戰的Carol，開咪前與伍曼儀「先禮後兵」，正式「開戰」時伍曼儀率先發功，指不滿有人將她擺上枱：「用咁嘅字眼好易畀人以為辯論爭鬥，不過我承認，最近書展報道喺宣傳上係史無前例咁多！」

事前做足功課的Carol表現緊張，當問她簽名會算不算文化活動？她口窒窒說：「都算係一種文化活動，時代變遷好多嘢都跟住時代去走。」伍曼儀即反擊：「係咪文化活動，我未必認同！」此時，有80後學生問Carol是否以身材凸顯自己？她說：「寫真係一本書，本書一定有作者，少女模特兒角色只係主角，演繹番作者要求嘅角色，所謂用身體，其實都係被動，我哋都係被選材，咁啱個潮流要選取呢啲人做呢一樣嘢。寫真集一早都有，如果講用身體演繹，自古以來好多top model寫真、畢加索名畫，都會用身體表達，唔係今日嘅少女模特兒影響社會。」

放棄行畢業禮

伍曼儀則堅持「反o靚模」態度，聽見Carol用古代文化作比喻，她寸爆說：「今日好多寫真集已唔係從藝術角度去做，簡單嚟講係意淫，以前好多人好似葉子媚、葉玉卿都影過，但對象係成年人，依家（讀者）細過16歲都有。」訪問後Carol送上寫真集給伍曼儀，她又透露原來昨日是副學士畢業禮，但決定不穿畢業袍，她說：「簽名會個意義大過畢業禮，學校都體諒。（點解？）畢業禮係（影響）我一個人，但簽名會背後有好多人幫手，對我嚟講係犧牲小我完成大我，（訪問比自己幾分？）50分，好緊張，我係未畢業學生，答問題水準有限，對尖銳突發問題未carry到。（有冇為難你？）佢好nice，身份權威，好多方面值得參考，上咗寶貴一課。」

Carol（右）與伍曼儀在電台受訪時，就o靚模熱話唇槍舌劍一番。

Carol訪問後送伍曼儀其寫真集。

簽名會賣大包

Carol昨午二時即換上低胸裙趕往尖沙咀DNA商場為寫真集舉行簽名會，卻遲到半小時惹來不滿之聲。Carol雖然近日人氣旺盛，但簽名會上卻只得不足三十名fans排隊，但幸好仍有一班同門師姐妹撐場。她謂早知與周秀娜同於尖沙咀舉行簽名會，卻沒想過方法硬撼對方。至於有否因早上被指寫真集意淫而影響心情？她說：「唔係淨係話我啲書！今朝聽到好多意見，但冇影響心情。」此外，她又謂：「如果寫真銷路好，會考慮送三百個唇印畀fans，（錫邊度？）手啦！」

文：專案組 攝：馬永堅