傅穎大爆有人篤數
昨日，傅穎（Theresa）繼續到書展「出巡」為寫真集造勢，分別到三個檔攤與fans傾偈及合照。問到她寫真的銷量，Theresa稱在檔攤見反應不錯，但跟公司有共識不會講銷量，她又謂：「近一兩日見報嗰啲銷售數字係冇乜可能，我都識好多人做今次書展，佢哋都話今年人流同銷量都下降，一日賣幾千書冇乜可能。」
對於周秀娜（Chrissie）的寫真頭兩天便已售出一萬五千本，Theresa坦言：「可能佢嗰本係計埋其他地方所賣嘅數量啦，我強調並非針對任何人，佢就更加唔會啦，我哋係朋友！」
對於被傅穎質疑銷量數字，周秀娜在簽名會時大方回應：「我諗佢無呢個意思，數字係出版商話我知。」此時其經理人補充，首兩日書展加漫畫店，共售出逾二萬本（晚上九時半更正為二萬五千本），問到會否拿出銷量證據？她笑說：「多謝大家留意，今年行唔到書展，會去睇樓，遲啲睇下我買咩樓咪知囉！」