鍾舒漫拍U-KISS戶外開騷
人氣女歌手鍾舒漫不但唱得又跳得，更即將殺入書展做「才女」，難怪旅發局亦睇中Sherman才藝，欽點對方與韓星齊照夏日重頭節目「生力暢飲樂園」。
鍾舒漫（Sherman）即將於本周五與韓國人氣組合U-KISS成員亞歷山大等韓星在台上以音樂作交流，出席香港旅發局及龍舟協會主辦的「生力暢飲樂園」，獲旅發局點名邀請演出的Sherman說：「真係好榮幸，冇諗過佢哋會搵我，活動會舉行三日，係香港第一個戶外大型啤酒嘉年華會，依家心情好緊張，自己又唔識韓文，都怕唔知點同其他歌手溝通，不過我相信音樂係最好嘅橋樑。」
回贈實用禮物
此外，Sherman昨日與師弟洪杰出席英皇地產活動，適逢首日書展，問到Sherman是否特意以超性感低胸打扮隔空對撼o靚模？她說：「唔好咁講，都係配合番今日個活動啫，自己廿三日都會去入書展，已經諗咗着咩衫。（好似今日咁性感？）我覺得係靚o架囉，性感唔係賣點。」Sherman又已準備「實用禮物」，她說：「會幫人畫Q版樣。」
提到書中以三點式示人，Sherman就說全為以「性感相片襯托感性文字」，至於性感底線，她說：「冇乜極限，最緊要配合件事，就算上身唔着都冇問題，係個意識嘅問題，要正面嘅，唔可以冇原因咁唔着囉。」
採訪：音樂組