戴蘊慧:師母話事

戴思聰將於下月舉殯,但他和徒弟鄭嘉穎的恩怨仍未了,戴氏姐妹澄清沒收過嘉穎的電話,至於會否歡迎嘉穎出席喪禮?戴蘊慧(真真)表示要由媽咪決定,坦言:「依家唔想喺媽咪面前提嘉穎!」

已故樂壇教父戴思聰將於8月4日舉殯,生前徒弟分別為喪事出一分力,日前陳曉東、呂方、江欣燕和馬浚偉齊集和戴家開會,不過,因合約糾紛師徒反目的嘉穎,繼續成為箭靶,嘉穎表示曾聯絡戴辛尉(葳葳),但對方沒回覆。

怕爹哋唔安落

昨日本報致電葳葳,她說:「佢冇打過畀我,只係SMS問候:『唔好太傷心』。(嘉穎有冇提出席喪禮?)冇提過。」而真真接受本報訪問亦說:「我冇佢電話,亦冇收過佢任何電話,呢個時候唔好講是是非非,畀老師走得安心啲。(歡唔歡迎佢出席喪禮?)師母話事。(你意願呢?)我同佢係平輩,唔好意思。(師母意思呢?)唔想喺師母面前講嘉穎,爹哋走咗已經好唔開心,唔想佢走得唔安落。」

落實扶靈名單

此外,真真透露扶靈名單已落實,包括陳曉東、張明敏、呂方、劉詩昆、湯鎮業和老師契仔Alan,另黎明則在接洽中;喪禮的場刊由劉詩昆寫序,家人和東東都會撰寫悼文。

採訪:音樂組

Click選心水港姐,請瀏覽on.cc《香港小姐2010》專輯