妄攝女堵塞入口 書迷叫死開
妄攝女曾麗儀（Debby）、陳麗玲（Norain）、陳雅絲（Cat）和鍾永慧（Iris），昨日以性感裝束殺入書展，當中以勁晒三吋事業線的Norain和Iris最為大膽。四人無懼違規被大會趕出場，揚言會盡量滿足索取簽名的fans，Norain死撐：「都係寫個名啫！」被問到是否捉字蝨時，Norain反指貿發局：「佢哋夠捉字蝨啦，話我哋係o靚模，我哋係專業模特兒。」她們再否認妄攝教壞人：「香港係一個文化薈萃嘅地方，應該接受唔同聲音，我哋又唔係強暴又唔係話虐待。」
此外，四女邊行邊派Postcard時，Iris全程警覺地以雙手護胸，而Norain就被人高炒特寫胸部，其後才急急扣上衫鈕。宣傳期間場面混亂，引起部分書迷不滿，有人大叫：「呢度係門口嚟o架，點行呀？」惟妄攝女未有聽到未能及時作出配合，書迷再大叫：「阻住晒，死開啦！」
