側田踩o靚模豬扒好醜!
側田昨日無懼書展開鑼舉行新碟簽名會，得悉一眾o靚模在書展拋胸為寫真集造勢，有話直說的側田不留情直指部分o靚模是「豬扒」及「好醜」，又笑指韓國女友亦未能滿足他慾望。
側田力抗一眾o靚模，昨日於銅鑼灣舉行新專輯簽名會，吸引近百歌迷捧場，由於活動有耳筒廣告商贊助，廣告商派出三位穿上吊帶白色短裙的模特兒助陣，當記者要求側田與三女合照時顯得非常尷尬，期間更獲女歌迷送上香吻及紅雞蛋預祝活動成功，紅雞蛋當中找了多位歌手寫字留言，緋聞女友鄧紫棋則寫上：「唔會再有緋聞連累你。」
女友難滿足
側田表示不知道昨日書展開幕，問到有否購買o靚模寫真集？他說：「唔想睇。（唔吸引？）唔會買，都唔知點解有成幾百本，有啲仲係豬扒，都唔知點解出到寫真，有都唔知咩嚟。（邊個係豬扒？）總之好醜啦。」問到是否睇韓國女友就足夠？側田尷尬說：「唔夠。（仲想睇咩？）有邊個男人有靚女唔睇？呢啲係男人天性。」
攬BB狂啜
側田又承認網絡世界有很多靚女欣賞，問到是否經常上網睇寫真集？他說：「睇益智嘢啫。」訪問完後，側田見女歌迷抱住BB撐場，即興奮攬住BB不放，又親吻BB頭部，期間更被司儀取笑有韓國女友，側田喃喃自語說：「野蠻女友。」
文：音樂組