周秀娜暴乳搶閘 JC玩蛇任捐

書展昨日假灣仔會展開鑼，貿發局拒絕o靚模場內舉行簽名會，掀起全城熱話，o靚模奇招反擊，踩場造勢，又在場外大搞簽名會。有份被拒入場搞簽名會的周秀娜（Chrissie）昨日率領Sugar Beez的A.Lin、Monster Beez的Annie G.和新八模在書展場外的金紫荊廣場，斥資港幣20萬元設計貨櫃車巡遊香港各區大搞簽名會。雖然昨午懸掛一號風球，簽名會被迫延遲一小時，更要貨櫃車移師博覽道避車處舉行，但仍無阻過百fans熱情捧場。排頭位之中的13歲賴同學自爆去年還是鄧麗欣fans，今年轉投Chrissie，還大讚她樣靚身材正。

粉絲狂啜寫真集

一身火紅的Chrissie表示好開心，她說：「半小時派晒200個籌，多謝燦哥（風球『燦都』），可憐fans冒雨捧場，今日我紅色暴『乳』迎風球！（冇得入場好蝕底？）我呢架車巡勻晒各區。（私下入場？）或者會，今次唔止為銷量宣傳。（24日同Angelababy都喺尖沙咀搞簽名會？）唔擔心。（最想睇邊個本寫真？）Jessica C.，其實都想睇Baby嗰本。（去年銷量輸畀Baby？）冇話輸定贏，喺fans心中我係最好就夠啦！」期間有狂迷購買周秀娜的寫真後狂啜及讚她甫士有藝術感，事後該片段即在Facebook及YouTube廣泛流傳，大彈狂迷愛得惡心。

全裸上陣的JC與粟米蛇「零距離」接觸。

Baby寫真集中黃色比堅尼大騷長腿。

簽名會後再致電Chrissie，她透露其中一名14歲男學生是她的忠實fans，她說：「佢去年13歲買我個攬枕，佢好乖，只係要同我合照和簽名，希望佢除咗鍾意睇我本寫真之餘，亦都鍾意睇教科書。」

周秀娜率領師妹為寫真集造勢，吸引大批傳媒。	A.Lin為免低胸裙走光狂黐膠紙留下紅印，大殺風景。	ＪＣ懶理寫真戰，風騷中環歎雪糕。

同場的A.Lin粉紅色Tube dress，黐滿膠紙以致胸前起紅印。問她會否送寫真集給前男友曾國祥？她說：「自己買啦！（會否被當飛鏢靶？）唔會咁忍心啩！可能佢會買幾本嚟當鏢靶。」

透視裝「讓半球」

至於Chrissie死敵、去年的「寫真女王」Angelababy身在外地，昨日她在微博上載了一張「吊鹽水」相片，即惹來fans恐慌，電話中Baby氣若游絲地說：「我感冒，吊鹽水鎮住，好擔心影響回程。（擔心銷量嗎？）知道好好，有fans在微博留言支持，我都盡力回覆佢哋。」而Baby的寫真集昨日面世，靚衫靚景大騷長腿外，其中黃色比堅尼泳衣更晒與前男友陳偉霆的十字架「愛的紋身」，還有一輯濕身透視裝「讓半球」，性感誘人。

o靚模寫真戰況激烈，憑「警鐘胸」走紅的Jessica C.，昨午四時卻與助手現身中環ifc，背心熱褲騷長腿戴帽的她邊行邊食雪糕，表現親切更與記者揮手。其處女寫真全裸上陣，濕身透點，更與三呎粟米蛇「零距離」親密接觸。JC說：「條蛇係造型師個朋友嘅，佢養咗過百條蛇，我攬住嗰條叫『粟米蛇』，無毒性格溫純。」

JC續說：「第一次全裸所以拍攝時清場，但男主人、男攝影和男助手要留低。每次條蛇捐入我啲頭髮度，我就扮鎮定叫男主人幫手解圍。當時我爬喺人造草地上影相，只係貼咗乳貼同重要部位貼紙，影咗大半日，最初我個人好僵硬，之後愈影愈順。」

文：專案組