戴辛尉憂母健康失控落淚

戴思聰於本周日因冠心病引致併發症，在律敦治留院卅小時終告不治，真真和葳葳兵分兩路為亡父後事四出奔走，昨午十二時，戴墨鏡的真真在男友人陪同下，抵達香港殯儀館辦手續，逗留九十分鐘後離開，記者提問喪禮事宜，真真即攞iPhone講電話，沒有回應。

素服辦手續

葳葳亦約十二時許，在男友人陪同下離開寓所，一身素服的她向傳媒說：「辛苦晒！媽咪心情已經平復，需要休息，今日要辦死亡證。」之後葳葳即驅車到律敦治醫院搞手續，離開前再接受訪問：「由爹哋過身到依家，每日瞓得兩個鐘，媽咪雖然身體好，不過唔係好食到嘢。」問是否很擔心媽咪情況？葳葳即情緒失控，扁嘴落淚，用手推開記者說：「唔好意思，唔好問。」之後上車去勻灣仔、金鐘、中環遊花園，最後進入了君悅酒店。

戴思聰	兩姊妹相約一同領取戴思聰的遺體。

友人嗌報警

至二時卅分，兩姐妹現身胡忠大廈為亡父辦理死亡證，全程由葳葳負責簽文件，之後她們再去醫院領取戴思聰遺體，陪同亡父坐殯儀館專車到「大酒店」，同行男子向傳媒說：「唔好再跟，否則報警。」至晚上七時，戴氏姐妹的男友人表示，戴思聰將於八月三日設靈，四日採佛教儀式出殯，稍後會刊登訃聞，隨後兩姐妹即乘車返炮台山寓所。

戴思聰將於下月四日出殯。

戴蘊慧與葳葳兵分兩路處理父親的身後事。

採訪：音樂組