鍾舒漫被當兄弟冇拖拍
鍾舒漫（Sherman）昨日出席「VS Sassoon」美髮活動，她表示短髮比長髮更多變化：「其實短髮適合我多啲，因為我性格比較爽朗。（會唔會旺咗？）的確多咗好多工作。」記者笑問桃花會否都增加了？她竟扁嘴說：「男性朋友就多咗，因為佢哋當我係好兄弟，我都驚搵唔到男朋友，我都想拍拖呀，（公司畀咩？）公司話唔好影響工作就得，仲話冇愛過點唱情歌呀？」
問到其有三點式的新書可在書展舉行簽名會，Sherman說：「其實我嗰本唔標明係寫真，裏面有繪本同文字，好似漫畫咁，其實性感係講意識，有啲外國model都唔着衫影相，但出嚟有美感就冇問題！」