容祖兒追賊奮不顧身
容祖兒（Joey）昨日於活動上，自爆曾因為母親被賊人搶去頸鏈，當時毫不考慮，拔足飛奔追捕賊人，認真正義兼大膽。
Joey昨日出席海港城舉辦的《警訊》活動，為設計比賽得獎者頒發獎品，她表示自細愛睇《警訊》節目，睇到不少個案都不禁令她心驚膽跳，Joey說：「以前住深水埗青山道，發生紙盒藏屍案之後，搞到我每次行過都心跳加速。」Joey又曾經遇到媽咪被搶走頸鏈，她毫不考慮就狂追賊人，夠晒正義感，但就擔心警察要經常三更半夜工作，又會令身邊人提心吊膽，所以她不會揀警察做男朋友。
被讚似安祖蓮娜
提到日前好友鍾欣桐被歌迷惡搞，Joey表示只是小事一樁，相信未有影響阿嬌心情，問到會否擔心遇到這種情況，她說：「fans唔怕死就做啦，我做封面隨時會搞到人心臟病發，我諗我唔係佢哋對象，（唔夠肉感？）好明顯啦，唔使吓吓講到人哋傷心處。」她自爆經常被讚樣貌似足國際影星安祖蓮娜祖莉：「嘻嘻，我都唔好意思講出口，畀人咁講都好開心呀！」
採訪：音樂組