黃家強昨日到網上電台錄音，他表示首張純音樂專輯原定於本月推出，但因為欠缺喇叭架而影響進度，他說：「啱啱搬咗去新嘅錄音室，要個喇叭架做混音，香港識做同整到專業喇叭架嘅人唔多，我搵嗰個師傅仲未整好。（錢嘅問題？）我畀晒錢o架喇，佢好藝術家，唔係全職同為錢，係為興趣，我求咗佢9個月，依家音樂已經做起，真係要求佢畀個喇叭架我！」另外他在八月中完成《唱作世代》香港預演後，會再到上海世博表演。
