楊梓瑤加料至激壓軸
「浸大E神」楊梓瑤（Carol）今日推出的處女寫真集《Huge》，終極至激全裸照曝光！她自爆是用電腦技術執走打底泳衣，營造nude的效果，對於外界批評她的寫真極盡意淫，Carol坦言承受好大壓力，昨晚要飲紅酒壯膽！
憑着34E激爆身材上位的楊梓瑤，可說是今年寫真戰的焦點人物，早前部分的寫真照及拍攝花絮短片流出，當中玩冰、漏奶兼在床上疑似脫褲的照片，被外界狠評意識帶淫，引來其他o靚模群起唾罵累街坊，逼貿發局出招踢走o靚模，「淨化」書展會場。
初版三萬本
成為眾矢之的的Carol坦言承受好大壓力，昨日在電話中透露要飲紅酒壯膽，她說：「依家同經理人飲緊紅酒，始終係第一次比較緊張，聽講初版印咗三萬本，對自己本寫真集都有信心。」據知Carol今日將會殺落書展為自己造勢，而《Huge》全書共有144頁，大部分都是陽光與海灘，Carol換上十幾款不同的三點式泳衣，還有內衣及少女服，形象多變。
撐形象健康
不過，原來好戲在後頭，寫真集的最後一頁中，全裸上陣的Carol雙腿盤起，僅用長髮遮掩胸前，但仍惹人遐想，她直言自己第一眼看到照片亦感驚訝：「我都嚇咗一跳！原來咁激，但其實係電腦執相效果，我本身有着泳衣打底，上身亦用咗一個細size嘅nude bra，我都有底線。（喺大腿內側有太陽油，怕唔怕被人話意識不良？）大家睇完本書先再講啦！其實陽光與海灘好健康，曬都要搽太陽油，咁搽太陽油梗係搽勻全身啦！」
而Carol的寫真集中有好多pose和造型均與周秀娜相似，她表示不擔心被指抄襲，她說：「乜咁蹺呀！我都未睇過佢本寫真，我諗啲造型大致上都差唔多，唔怕同人比。」
文：專案組