陳嘉容中微博毒日日update

忙於四圍飛的名模陳嘉容（Eunis），昨晚抽空為好友的新書發布會撐場，同場還有Ana R.及王賢誌等。Eunis表示今年因忙旅遊及工作而未有足夠時間籌備新書，但就轉移陣地，上微博分享自己的生活，Eunis更笑言自己是微博癡：「簡直係中晒毒，幾乎日日都要上載新相，試過上載自己煮嘅食物照，畀Dorian Ho話見到都想嘔。」此外，Eunis透露試過因以電話漫遊寄電子郵件，搞到要付二千元港紙上網費用，她解釋：「可能因為send埋相，容量大啲啦，自此之後，每次我出埠做嘢，只會喺有wifi服務嘅地方先會上網。」