霆鋒家輝搶fans再爭獎
張家輝、謝霆鋒、廖啟智繼《証人》後再度合作，霆鋒坦言珠玉在前，再合作會感到壓力，智叔在戲中角色與前一部完全不同，飾演一個被迫到變瘋丐的線人，搶眼度十足，智叔亦說是他的演技大挑戰！
霆鋒、家輝及智叔主演英皇電影《証人》獲得極佳成績，家輝更憑此片成為六料影帝，電影原班人馬再度合作，拍攝故事完全不一樣的新戲《綫人》，三位男角再度碰頭，感覺十分興奮。
智叔瘋丐大挑戰
基於上次的好成績，今次三人再合作大感壓力，霆鋒說：「壓力實有，但亦成為我們台前幕後嘅推動力，我哋只會想拍出比上次更好嘅電影。」
上集家輝與霆鋒都有突破演出，今次智叔的乞丐造型與上次《証人》中的警察角色完全不同，智叔說：「我都希望帶畀觀眾唔同嘅新鮮感，呢次我同霆鋒都係做線人，但我因為畀家輝出賣，被黑道中人追殺，最後變得瘋瘋癲癲，呢個角色對我嚟講係另一種挑戰！」
家輝憑《証》片成為六料影帝，今次會否期望《綫人》為他帶來更多影帝獎項？他笑言：「最重要係觀眾認同，得唔得獎反而用平常心看待吧。」
付出百分百努力
霆鋒於今年初剛拿了金像獎，他對此片會否很有期望？霆鋒說：「獎項與否係其次，觀眾喜歡就係最大嘅獎項。」導演林超賢則笑言，最好所有人都可以憑《綫》片獲提名或攞獎，因為大家都付出百分百的努力及誠意去做好這部電影。
文：影視組