祥仔恨冧莊雯女唔諗
鄧萃雯（雯女）、黎耀祥（祥仔）、陳法拉、惠英紅和謝雪心等聯同一班台前幕後工作人員，出席台慶劇《義海豪情》飯局，祥仔表示個個有份出錢，自己會出「大份啲」。問到是否憑《義》劇爭視帝，他說：「自己都有少少想冧莊，但唔可以強求。（睇好邊個？）有幾個都好好，林峯就成熟咗好多。」他透露對《義》劇相當有信心，估計十年後亦不會再出現同樣背景的劇集，他說：「相信唔會再有咁強勁，就算編審張華標返嚟，但李添勝又退休嘞，好難再有。」
問到雯女是否爭視后，她說：「我從來都唔諗，只顧完成工作做好自己本分。」她透露今次在劇中演出的難度很高，從二十歲卜卜脆做到吃鴉片的老妝扮相，自己從未試過，她說：「不過齊蔭造型都好似我以前，證明我保持得好好。」
