(3)黃田麒選港男變師傅
【陳奕龍韶關直擊】候選港姐及準港男在內地進行最後一日的外景拍攝，港男(3)黃田麒雖在晚宴上說了「龜頭」出洋相卻大搶風頭，但他不太在乎，只因自己是被人「大」才參選，勝出的話便叫他做「師傅」，反而更覺風光。
候選港姐與港男及高海寧等一行人昨於韶關市內觀光拍攝，由於艷陽高照，眾人要歎雪條解暑，其中(5)莊思明在巿內逛街購物時表現興奮。她說：「我揸護照冇回鄉卡，好少返內地購物，（你咁大家閨秀，返內地拍嘢辛苦嗎？）經過印度之行，呢啲短trip都幾好玩，今次拍外景可以睇到日出，心情好興奮。（你屋企都睇到？）我睇到天光咋！」
而港男(3)黃田麒前晚在晚宴上的答問環節說了「龜頭」而大出洋相，不過卻為他帶來一時無兩的焦點，更引得靚女司儀朱凱婷不禁說句「有少少鍾意咗佢」。來自馬來西亞的黃田麒，解釋因廣東話不好，現正努力學習，還有學講「潮語」，希望減少鬧出如此爆的「笑話」。他又說：「參選係因為被朋友『大』，佢哋話如果夠膽參選，就叫我做師傅！（知道『龜頭』是指男性器官？）吓！唔知，乜咁大件事架！」
葉建希FB遭入侵
另一位是非不絕的港男(4)葉建希，最近又有艷女坐他大髀的相片流出，他指自己的Facebook半年前已被Hack（入侵），料因此而流出這些相。問攬女照可擔心影響形象？葉建希說：「唔擔心！（自己一次過公開咪唔驚？）正常就唔會！（坐大髀嘅艷女係女友？）係前女友，（同親嘴嗰位女子是同一人？）我未睇過啲相，相信係同一人。」