傅穎再着阿婆底谷書
今年力撼o靚模出寫真集的傅穎，昨日出席活動和周秀娜正面交「峰」，大晒事業線及白滑心口，先贏一仗！傅穎說不怕再因怪風吹起而露出「阿婆底褲」，更大讚條底褲好着，依家仲着住！
昨日傅穎以一襲Fornarina黑色吊帶Deep V裙出席「3香港電子書服務記者會」，同場更有不少o靚模包括「封胸」上陣的周秀娜、A. Lin及DaDa Lo等，傅穎大騷白滑心口及事業線上陣。有份出席的羅仲謙和傅穎合照時，即開玩笑解鈕說要晒胸肌，更笑言自己的胸部比對方大，而傅穎坐下訪問時為防走光也小心翼翼。
讚鄧麗欣跳舞正
傅穎透露新歌衫比這套的領口更低，問到跳舞時豈不很「跌蕩」？她說：「一定要Cup數大，DEF Cup先可以，我應該難跌蕩。」至於過往在書展曾被怪風吹起裙襬而露出「阿婆底褲」，傅穎說：「之前你哋睇到嘅唔係走光，嗰次我都控制唔到，嗰條阿婆底褲我仲有着㗎！（成年仲有着？）因為真係幾好着。」
另外，傳與傅穎不和的鄧麗欣也同期出新歌，問到是否跟對方鬥，傅穎說：「冇話鬥唔鬥，因為舊年已計劃會出，我唔會比較。」她續說有看過對方早前跳舞時的照片：「各有各好。（你同佢係宿敵？）傳媒覺得係，其實我哋唔係。」
周秀娜似姬摩絲
此外，揚言要男友先求婚的周秀娜，說男友未看報道，就算求婚也不會結婚，至於會否秘婚免fans因愛成恨，她說：「唔會秘密，連男朋友都公開埋。」對於和Angelababy同日出寫真，周秀娜表示不是刻意安排，更言還未看過對方的水底谷胸照：「之前有睇過其他相，好靚。」
另外，鄧達智出席活動時，大讚在o靚模中以周秀娜樣子及身材最好：「我想搵佢行騷，佢好似名模姬摩絲，佢哋都唔係正規Model出身，加上周秀娜EQ好好，出到位。」
文：名人組