歌手羽翹昨日舉行新書分享會，喜愛美容的羽翹表示，新書內有四十多張照片是在老闆屋企拍攝，她笑說：「我諗係睇中咗老闆個廁所。」問及推出美容書是否怕了班o靚模？她說：「我唔會咁樣話人，我嘅讀者主要係小朋友，大家嘅target都唔同。」問書中會否有錯字？她說：「我同本書校對咗幾次，對出版社好有信心。」羽翹又透露在書展預購新書的二百個籌已經派完，正計劃加印新書。
