「爆E超蓮」盪贏冬甩女飛糕

為對撼下月1日晚舉行的香港小姐選舉，亞視昨日安排一眾藝員夥拍人氣o靚模救收視，「妄攝五女」Debby、Cat、Iris、Kinki及Norain性感上陣，冬甩成員Caroline、Vilian、Ar Yu、Irene、Rainbow、Sweet齊齊出動，另加小師妹Aki。

「妄攝女」Cat（左起）、Iris及Norain水中鬥勁。

姜皓文與袁文杰分別捧起Rainbow及Caroline玩遊戲。

Rainbow唔認輸

眾女之中「爆E超蓮」Iris身材最為「動盪」，同門一致力撐：「我哋贏晒？多謝Iris囉，有眼都見到佢全場最勁！」至於冬甩的Rainbow亦不認輸：「我哋夠青春，Irene有『童顏巨乳』之名，Caroline同Ar Yu身材都好好！」不過事實勝於雄辯，冬甩身形輸凸，Aki和Vilian被發現以「缽仔糕」裝胸，落水後「飛糕」移位，大半個外露而出。

「撕暴女」Debby（右）與Kinki表現落力。

Vilian落完水，「飛糕」移位仲懵盛盛。

妄攝女語帶有味

12位o靚模火辣辣，亞視代表張加慧和譚杏藍黯然失色，兩人否認雖有「主場」之利卻輸晒：「我哋有壯男。」眾靚女與亞視猛男大玩水上遊戲，冬甩妹輪流被猛男抱起，Rainbow一度被姜皓文拋落水，大為搶鏡，記者問及遊戲內容，「妄攝五女」亦食住上，語帶有味地說：「鬥快整啲水出嚟。（即係咩？）總之唔可以講啦。」

文：影視組