戴老師大女兒戴蘊慧（真真）昨日為爸爸的喪禮奔波籌備，真真透露父親的喪禮暫定本月28日在香港殯儀館設靈，翌日出殯，但據知，晚上公布因遷就火化爐時間，設靈及舉殯改在８月３日及４日，喪禮採佛教儀式，之後進行火葬，但骨灰安葬地點仍未決定。雖然真真心情已平復，但當憶起爸爸，她在電話中忍不住痛哭落淚說：「我好掛住佢！我好唔捨得佢，唔係好接受到佢已經離開。」
戴老師曾被指是拜金者，真真要為爸爸平反，她哭着說：「佢係好好父親，之前好多不利新聞，話當年佢嫌棄我身邊人，又話佢逼我嫁，我好想講好多謝爹哋幫我揀咗前途，雖然同前夫離咗婚，但我哋關係好好，能夠擁有幸福家庭我好開心，佢係一個好好丈夫，可惜我哋性格唔夾，但我哋依然係一家人，（會復合？）將來嘅事好難講，我唔想做第二次錯誤決定，佢就好似我嘅左右手，大家唔可以冇咗對方，我哋只係唔一齊住。」
真真透露爸爸的親筆回憶錄，已完成了八成手稿，內容寫到他的生平、學生、感受，全是正面回憶，並沒有提到不快事：「葳葳（戴辛尉）會幫佢處理好啲手稿，等喪禮後盡快幫爹哋完成出書遺願。」至於爹哋另一遺願師生演唱會，則容後再談。