羅仲謙賣底橫一吋誘惑
江若琳（Elanne）與羅仲謙「濕身水戰」。謙仔透露有廣告商找他倣效碧咸大賣內褲廣告，不過怕醜的他斷言不夠膽當眾晒「八月十五」，而貪玩的Elanne則難忘曾遭「火燒後欄」。
Elanne與謙仔昨午出席海洋公園活動，前者被邀跣下濕滑的巨型吹氣滑梯，搞到身形若隱若現。天生膽大的Elanne坦言很喜歡玩刺激機動遊戲，且自爆小時候的百厭瘀事謂：「以前喺廈門玩滑梯，點知因為太曬滑梯吸熱，一跣落嚟就搞到Pat Pat赤赤痛，成個禮拜都要翻轉身瞓呀！」
遇溺者嘔腸仔
入行前曾是救生員的謙仔則表示見慣人受傷，最難忘是當值期間不時發現「泳池水母」：「好多女生貪靚，着泳衣游水都加晒墊，一落水啲墊咪甩晒出嚟，喺水邊『浮游』囉。（救過靚女？）冇機會，反而最惡心試過拯救一個小肥仔，同佢人工呼吸後，對方竟然嘔晒佢之前食過嘅腸仔出嚟呀。」
黃婉曼拒騷胸
擁有四十二吋胸肌的謙仔，稍後將夥拍周秀娜及Jessica C.等「有料之人」拍戲，謙仔笑言屆時會目不斜視「避嫌」，且打算再操弗身形亮相。問到他可有考慮接拍內褲廣告，謙仔謂：「真係有廣告商搵過我。（效法碧咸露股？）嘩！我冇咁大膽，露一吋得唔得？」
至於擔任司儀的黃婉曼坦言最近多了人找她擔任活動司儀，自言新丁的她暫不會自抬身價，不過卻鐵定「封胸」，無論如何不會走泳衣騷於人前晒身材。
文：影視組