浸大E神受壓禁會男友
「浸大E神」Carol（楊梓瑤）人紅是非多，一直自稱感情空白的她突然被爆做第三者，硬搶另一位model的有米男友，Carol昨日承認蜜運中，但否認同人爭仔，她說：「個女仔的確係同我男朋友拍過拖，但已經係年幾前嘅事，唔怕同佢對質。其實我哋拍拖冇耐，今年生日（6月23日）先開始，依家都好大壓力。」
Carol坦言模特兒公司施壓，不准兩人見面，她說：「依家有好多狗仔隊跟蹤，公司話明要過埋書展先可以見面出街，惟有靠講電話同send訊息保持聯絡。」問到可擔心宅男fans失望？她說：「依家啲fans好通情達理，我亦會全心全意做好本寫真宣傳。」此外，Carol對被質疑住公屋，她在微博中留言以示不忿：「住公屋有問題嗎？我從沒說過出身在小康之家。出身低微就不用養家？」