司徒法正闖澳洲探討巫術
玄學家司徒法正為主持新一輯靈異節目到澳洲、馬來西亞等地，並找來跟他合作無間的林熹瞳（Rachel，前名陳曉華）擔任主持，兩人坦言感情已深厚得跟家人無異！
司徒法正早前過檔無綫拍攝新節目《司徒法正靈異檔案》（暫名），他盡量採用原有班底，而女主持Rachel跟他可謂已親如家人，司徒法正說：「好少人可以好似佢咁成日去啲咁恐怖嘅地方都冇事，佢基本上已經唔係正常人，我成日都話佢已經嚇到傻傻哋！」他們感情深厚，每次Rachel有事都會向他請教，她說：「好似我之前要改名都有搵佢幫手，可能因為我哋有時去啲地方好危險，要互相照應，有時佢唔需要出聲我都知佢想點。」
性情中人易喊
節目第一集他們就會出發往澳洲，探討當地土著的巫術，當中亦不乏感性題材，原來司徒法正亦是性情中人：「我有時會去外地幫手賑災，每當諗起災民嘅時候我都會忍唔住喊！」當遇到有需要幫忙的人時，他都樂於伸出援手：「試過有次有人搵我幫佢睇啲嘢，點知後尾聽到佢咁慘，我仲貼埋錢畀佢！」
採訪：專案組
攝影：馬永堅
化妝：Kristin Liu（林熹瞳）
髮型：Ray Ip@HH's Hair（林熹瞳）