MC Jin陳奐仁撻出兄弟情
創作人陳奐仁（Hanjin）與MC Jin由互不相識，到成為朋友，再變成好兄弟，兩人在音樂上「一撻即着」，投契非常。Hanjin搞笑謂：「好彩唔係一男一女，唔係就出咗事！」
自Hanjin主動邀請MC Jin傾合作出碟後，一拍即合。兩人早前合作完Moov Live演出後，九月又攜手舉行演唱會。MC Jin已視Hanjin為好兄弟，他笑說：「大家好啱Channel，我好喜歡佢，但唔係愛上佢，係當佢哥哥咁。」Hanjin即笑說：「好彩我哋其中一個唔係女仔，唔係就出咗事！」
嚴肅樣嚇一跳
因合作擦出友情火花，MC Jin坦言最大滿足感是認識Hanjin，MC Jin說：「佢真係天才好犀利，係真正音樂人，我都變咗佢個fans。」
MC Jin在Hanjin眼中是個小朋友，雖然兩人合作半年，從未有拗撬，但MC Jin好記得曾被Hanjin嚴肅樣嚇他一跳。他笑說：「嗰日Hanjin同工作人員開會，我坐側邊上網睇緊嘢，突然我大聲叫佢哋睇吓，Hanjin好嚴肅咁『殊』一聲，我嚇一嚇唔再出聲。」MC Jin坦言那刻不好受，但清楚知道錯在自己。MC Jin稱：「係嗰次囉，其實唔算拗撬。」Hanjin即笑謂：「終於知道邊個係小朋友啦！」
新碟一手包辦
七月推出的新碟，碟內曲、詞全由兩人一手包辦。Hanjin形容他們以一個程式製作，兩人每日憑即興心情作曲、填詞，然後即刻錄音，十日完成十首歌，相當順利。
文：音樂組 攝：林楠