焦媛衣錦還鄉

觀眾用電筒狂照

焦媛希望以普通話演出，基於版權問題及有演員只識港式普通話，因而作罷，她說：「以前我都喺內地演出過，《蝴蝶春情》最後一幕係熄燈剝bra，有觀眾用電筒照，激到個男主角嬲到震。《金鎖記》至今已演出四十幾場，我好難抽離角色，發夢都夢到自己係七巧，好在我控制到。」

焦媛男友高志森聞言說：「舞台劇演員話控制到係呃你嘅，好多演員都有產前躁狂、產後抑鬱症，陳潔靈當年演《我和春天有個約會》就係，我咪叫佢老公睇實佢。（陳潔靈同杜麗莎合作《我》不和？）絕對冇，佢兩個各有各唱，點嚟不和？」

子維愈蒲愈精神

尹子維對於被指撇甩貝安琪與友人蒲蘭桂坊，他說有朋友由外國回港一起去飲嘢。又說貝安琪同劉香萍都看了《金鎖記》，但冇畀評語。焦媛則笑稱尹子維蒲完翌日連踩兩場演出，表現一樣精神，笑言也要去蘭桂坊撞吓狗仔隊！

文：影視組