陳智燊最愛坐梳化
無綫男藝人陳智燊（Jason）去年在無綫台慶中贏得大利是，彩頭十足，問他是否閒來喜在家中擺風水陣？Jason笑說：「我對風水有興趣，但睇極唔明，為免亂擺破咗風水，所以都冇刻意去擺陣，但求入屋舒服就OK。」
講到全屋最舒服的地方，Jason首推係梳化：「我睇電視、上網、背劇本、打機，全部都離唔開張梳化。由於我大部分時間都喺張梳化度，為咗提醒自己食維他命，我仲將啲維他命丸擺晒喺梳化度添！（點解會有毛公仔？）我媽咪話馬騮旺我，有次我見到呢套動物公仔，於是就買咗隻，買吓買吓，依家想儲齊成set添呀！」