羅卓瑤方令正影壇神鵰俠侶

羅卓瑤生於澳門，香港大學英文系畢業，1978年加入港台電視部，曾參與拍攝《獅子山下》，82年到英國國家電影學院修讀，88年開始導演生涯，作品包括《我愛太空人》、《愛在別鄉的季節》、《秋月》、《誘僧》及《遇見1967的女神》等等，最新作品則是由吳彥祖及內地女星袁泉主演的《如夢》。

直覺性創作

闊別香港影圈十多年，羅卓瑤和方令正再次回歸拍電影，跑遍台北、香港和上海，最終仍堅信自己的創作方式。羅卓瑤說：「宣傳完我哋又會返去澳洲，我哋鍾意用直覺性嘅方式去創作，每寫好一個劇本會放低佢，等寫完下一個再返轉頭睇，一次睇唔到嘅盲點會喺下一次發現。」兩人在澳洲每天生活在隔離的環境，靠不停看書刺激思維，往往一個構思要兩至三年才能完成。

頑固的堅持

雖然是最佳拍檔，羅卓瑤、方令正亦有爭拗的時候，方令正笑說：「我哋對事唔對人，往往我哋拗得最勁嘅地方就係最有問題嘅位，創作冇啱同唔啱，我哋得兩個人，又冇第三者投票，出現問題都係放低佢，過幾日再諗過囉。」

文質彬彬的兩人，對電影有份頑固的堅持，一開機整個心思投入，羅卓瑤說：「連啲演員都話我唔知攰，原因好簡單，我哋從來冇當電影係工作，一份工作你會計收工時間，但如果係你嘅愛好，就會有好大意志力去完成佢。」

文：影視組