冬甩備戰繪畫減壓
最近胡心諾（Rainbow）率領五位師妹組成冬甩，以性感掛帥推出暑假首本寫真集。書展日漸逼近，寫真戰殺到埋身，剛剪了一頭短髮的Rainbow日前帶住師妹「翻版蔡依林」曾寶玲（Ar Yu）、許麗燕（Irene）到一間畫室，在寫真大戰前畫畫紓緩壓力。
Rainbow表示一向喜歡藝術，自己亦有不少鬼主意，中學時常在美勞堂花心思設計藝術品，最喜歡畫油畫。而Ar Yu透露自己曾在中學獲得校內繪畫比賽冠軍。問到她們對剛推出的寫真集有否信心？Rainbow說：「依家銷量都唔錯，我嘅朋友仲買咗十幾廿本支持我添。（點睇簽名會好少fans出席？）可能嗰日時間太早，我哋唔擔心冇人支持。」
攝：唐豁莊
場地：藝田@牛頭角