羽翹紮髻襪盡其用

經常在網上分享美容心得的羽翹，早前在Youtube教人梳髮髻，原來要髮髻又大又圓的秘訣就是爸爸的襪子，羽翹謂：「嗰啲襪係我爸爸嘅，有次佢問媽媽點解唔見咗啲襪，我咪話佢知喺我個頭上面囉，佢聽到之後笑到收唔到聲。」．

向來孝順的羽翹於是為爸爸買大堆新襪子，而在揭發失「襪」真相後的翌日，她又發現自己的床上多了大堆襪子：「原來係爸爸唔想我用佢啲舊襪，專登買好多唔同顏色畀我襯，真係感動！」她還笑謂要將這個好笑感人的故事，加到在書展推出的首本美容書內。