以真槍實彈練習當然大呼過癮，但當正式拍攝時，劇組換上了道具子彈，反而令古仔心慌慌，他謂：「假嘅都可以死得人嘛！有場戲拍我幻想片段想打死嗰個警察，結果佢哋向我開槍，咁多人加埋射我十幾槍，射到我倒地，如出意外我就死咗啦，以前外國演員都試過假子彈出事，所以真係好擔心。」
要與吳彥祖鬥智鬥謀，古仔笑指過往合作雖多，但正式交鋒可算第一次：「我同佢角色係唔需要太多溝通，大家估大家嘅，慶幸同佢合作得多有晒默契，知道大家會點去，最緊要當然係導演爾冬陞，佢要求好高，去到現場好嚴肅，帶動到劇組人員都保持距離，咁就自然做到角色要求！」