古仔cool爆冰冰無癮
爾冬陞（小寶）與古天樂近年合作無間，雖見證對方於戲路上變化，但仍認為對方不適合在娛圈發展，他又自爆於新片「撮合」古仔跟李冰冰，沒料古仔寡言得很，讓冰冰感到沒趣，就連從遠處竊聽的他亦急急轉Channel！
古仔、冰冰及蔡卓妍（阿Sa）於英皇電影《鎗王之王》有段三角戀，由於該片以男性角度為主，變相兩女角較少發揮，為令劇情更緊湊，小寶忍痛刪剪廿分鐘戲，當中大部分更是阿Sa的戲份。
談到古仔向來寡言，那如何安排與兩女談情？小寶透露一場古仔與冰冰的車廂對手戲，曾向冰冰說她與古仔也很合襯，建議二人多作溝通，他謂：「我喺收音度偷聽佢哋嘅對話，根本完全唔啱Key，東一句西一句，初頭我好奇去聽，聽聽下就悶到要轉台，佢好慢熱，我都係《門徒》之後先同佢多啲嘢講，成日都覺得佢性格唔啱做呢行。」
懶理形象求變
再度與古仔及吳彥祖（Daniel）兩位型男合作，小寶直言古仔角色的內心戲對他來說頗有難度：「佢好盡力，呢幾年睇到佢拍第二啲戲，不斷改變自己，《門徒》仲醜化自己，已經唔係以形象為大前提，係好事。Daniel就係高級知識分子，拍好多藝術片，唔收錢都肯，佢試好多唔同感覺，依家都係35歲，仲可以再合作。」
而當年造就張栢芝封影后，小寶坦言雙方一直希望再度合作，還大讚已是兩子之母的她甚有天分，他表示：「好難拍到佢醜樣，就算喊到癲都冇問題，一埋位就好投入同自然，冇咩掩飾情緒，又唔太理自己個樣會點，呢個都係好大原因。」
張靜初過火位
相對於栢芝的自然投入表現，張靜初則有點過火位，小寶透露靜初於《門徒》演吸毒女人，沒料拍攝過程她竟自我催眠，當正自己是吸毒者：「佢返到屋企都係咁，冇辦法！佢受過正統訓練，你同佢講又未必接受，所以有時收工會唔畀佢走，叫啲工作人員同佢傾下偈，等佢回復正常囉！」
文：影視組