陳偉霆操肌求露得靚
陳偉霆（William）在美國學舞歸來後，為要帶給fans全新的感覺，現正努力健身，除刻意曬成「巴西黑」膚色外，他又狂做掌上壓谷大隻，誓要練出44吋胸肌。
William早前往美國進修舞技，剛回港的他表示：「我想將全新感覺嘅William畀大家睇，除跳舞唔同咗外，我想肢體上都有啲唔同，所以依家操緊。」他有感拍電影《前度》時，因經常在室內及夜間拍攝，極少接觸陽光，令膚色變青白，故他早前在美國刻意暴曬，現擁有一身「炭黑」膚色，不過他尚未滿意：「我要『巴西黑』，因為我鍾意巴西隊。」
痛失「妹豬」
膚色要「更新」外，William又想練大隻變成「肌肉男」，他目標是由現時的40吋胸肌練到44吋，他說：「之前太瘦，我要練大隻，要胸同背都有肌肉，嚟緊我又要拍電影，要扮鴨仔（男妓），身材fit啲先可以露得靚，依家做娛樂圈，男仔都要有事業線o架。」
另外，William表示往美國前，在寵物店買了一條蜥蜴名為「妹豬」，不料他去美國後，「妹豬」開始絕食，最終香消玉殞，令William非常傷心，他說：「我唔會再買一條新蜥蜴，唔會再搵代替品」。
採訪：音樂組
場地：香港酒店Cucina