陳豪拖廖碧兒冧爆趕佘

陳豪、碧兒、蘇永康、梁漢文和羅凱珊（Kama）等昨出席POMPEI旗艦店開張，其中陳豪、碧兒更翹手又拖手地煙韌行Catwalk，而抽獎環節時，廖碧兒抽中陳豪得獎，分外有緣，陳豪笑言會收起那五百元現金券做紀念。

兩年冇行埋

談到情侶檔，陳豪自爆已兩年沒有和碧兒同台搵銀，問到是否因之前傳佘詩曼介入令二人分手，碧兒即解釋：「係因為我出咗去拍戲，呢兩年都少咗拍電視。」在台上表現煙韌，問陳豪可怕佘詩曼呷醋，他尷尬的說：「都係嗰句，唔關我事，（阿佘都唔關你事？）所有女仔都唔關我事。」

佘詩曼	羅凱珊低胸撐場。	廖碧兒連抽獎都抽中陳豪認真有緣。

打咗強心針

陳豪在碧兒面前澄清與阿佘關係，可令她安心？碧兒只笑笑道：「佢話所有女仔，即係連我都唔關佢事，（佢咁講幫你打咗支強心針？）有咩？」碧兒隨着這句話望實陳豪，陳豪則尷尬地以手扮槍射向她，公然耍花槍。為令女友開心，陳豪讚碧兒在《談情說案》中演得夠放及演技成熟，不過碧兒只當陳豪是「前輩」，多謝他指導，似仍未原諒他與阿佘的緋聞。

此外，蘇永康的「永康國際慈善基金」昨獲捐贈八萬元，他透露自○五年開始，每年都捐收入的百分之一入基金，連同這八萬元，捐助內地起小學。

文：影視組