JC兩啜男友胸壓羅仲謙
警鐘胸混血女模Jessica C.（JC）昨日和男友Sergio在人來人往的大街上，以比堅尼展示34C的魔鬼身材，即時「鬧」醒不少途人駐足觀看，更出招兩度親吻男友，期間更一度胸壓羅仲謙手臂，可謂皆大歡喜！
警鐘胸混血名模JC昨日第二次和模特兒男友Sergio情侶檔合作，為《Quiksilver X Shake'em buns 「SURF HERITAGE」特別企劃發布會》展示不同服飾，最後Jessica以火辣三點式大騷34C，拖着同樣赤裸上身鬥晒胸肌的男友和羅仲謙，在街上公然大解放誘人上圍，就連路過的司機也停車欣賞警鐘胸的魅力。JC與男友合照時，更情不自禁兩度親吻對方；慘當電燈膽的羅仲謙，雖無福消受香吻，但當JC挨向他拍膊頭以表安慰時，其C Cup胸邊亦一度胸壓其手臂，場面香艷。
賣口乖冧Sergio
JC被問到男友及羅仲謙的胸肌誰較勁時，她讚羅仲謙不錯，但倚着男友說：「但我都係鍾意我男友多啲！我一向喜歡膚色tank同埋滑浪身形，男友好乖唔使我逼，佢日日去做gym。」問到她和男友誰的Cup數較大，她即場用手量度男友的胸部說：「當然佢大唔過我，佢得B Cup！」
有指書展禁止內容意識不良及或以品味低俗宣傳手法促銷的簽名會在場內舉行，JC聞言說：「如果係我會覺得好唔公平，人哋買咗我本書都應該同人簽番名，只係保持性感，唔係去做色情嘢。」她又稱正考慮推出tee及海報等產品。
自詡腹肌似龜板
另外，羅仲謙稱將與JC合作電影飾演姊弟，但他否認會因對方的火辣身形有熱辣辣反應：「我好節制，專注望鏡頭。（你同𡃁模一樣都賣胸？）唔好只睇我上面，都要睇吓我下面！即係腹肌，成個龜板喺度！依家多咗同性戀者鍾意，會好似fans咁走嚟合照同埋話鍾意我。」他否認和傅穎的緋聞，兩人只是同事。
文：名人組