姜紫藍還向平機會作出投訴，未料獲回覆說不受理職業歧視的case：「依家貿發局擺明係針對稱號，總之就係唔畀o靚模搞簽名會，傅穎都有出書，入面除咗文字都有相集，如果連傅穎搞都禁埋我就服氣，依家淨係禁o靚模好唔公平。我會喺30日前去貿發局畀佢哋再評審多一次，要據理力爭。」
傅穎將在書展推出繪本散文集及寫真集，其經理人公司星皓發言人稱：「繪本係皇冠出版社，寫真集是青揚出版社，兩間出版社都有入紙申請舉辦簽名會，到目前為止仲未知道係得定唔得，我哋都好想搞清楚，到底大會所講寫真集個意識，點先為之不良，我覺得要有個清晰指引。」若果傅穎的寫真集不能搞簽名會，到時等大會安排看看可以轉甚麼形式再作配合。