名模撐貿發局 陳嘉容：咪教壞細路
貿發局以拒絕意識不良及低俗宣傳為由，決定今年書展令o靚模止步，名模陳嘉容則支持決定，昨晚她出席Wine Networks開業活動，直斥o靚模寫真集意識差，教壞細路睇嘢眼光：「佢哋會諗係咪着成咁係潮流，我哋要灌輸番正常意識，我都覺得佢哋暴露，出賣身體某部分去博觀眾注意，係唔健康，令男生想法會覺得模特兒暴露就可以做明星。」
莊思敏將在書展推出旅遊書，原定會舉行簽名會，未知會否受影響，她支持貿發局的決定：「書展唔應該搞到咁古靈精怪，好似之前又派雪糕又派奶，又話搞抱抱會，書展係為啲鍾意睇書，有文化嘅人。」
而周汶錡亦是支持派，她認為o靚模在書展太性感有影響，會直接影響小朋友，亦認同近期o靚模性感風氣誇張兼過咗位，今次此一決定有監管作用，希望一改風氣。