志偉當眾教仔：滾少啲呀

曾志偉昨日連同兒子曾國祥及表哥為節目《以時相聚》錄影，未知是否怕被記者追問早前的緋聞事件，曾國祥早已表明不會接受訪問，就連志偉叫他一起做訪問他亦借講電話走開。

雖然如此，但他也難逃被爸爸曾志偉玩的命運，現場有一儀式，曾國祥需要在一張大卡紙上寫東西送給志偉，當他寫了「Rest more and sleep more」（休息多些及瞓多一些）送給父親後，志偉笑言：「我都寫番啲嘢畀佢先，Work more and boil less，滾少啲呀！」曾國祥聞言後也略有尷尬之色！

上一代只係齋做

志偉接受訪問時表示於節目中會講及新一代的成長及他那一代的成長有何不同，亦會大談自己的家族，問他會否傳授追女秘訣給兒子？志偉笑言：「我冇佢咁多，唔夠佢叻，爭好多皮呀！我喺佢年紀時係齋做。（做咩？）做應該做嘅嘢，副導呀、武師呀，邊有時間去玩！」

林敏驄留番獻世

談到有消息指其好友林敏驄身患重病及希望跟前妻重拾舊好，志偉依舊無厘正經表示：「用到呢招呀？呢招係第卅五招，第卅六招就臨終o架喇！我估唔會嘅，我六月十日高爾夫籌款先見過佢冇乜嘢，佢點會死得，要留番嚟獻世。」

文：影視組