謝安琪甩嘴：問心無愧

謝安琪、關楚耀（Kelvin）、蓋鳴暉、官恩娜及4anda等昨日現身「耆英饑饉8小時」活動，前晚才從台灣錄音乘夜機返港的Kay，與觀眾合唱《憑着愛》時失準甩嘴，事後Kay於台後接受訪問時，對於會否擔心唱功再被批評，她說：「係同觀眾嘅合唱位，啱啱尋晚（即前晚）先返嚟冇綵排，冇得驚，問心無愧就可以喇，自己滿意嘅，唔使解釋。」

張繼聰轉公司

有傳其老公張繼聰（Louis）以重金過檔金牌大風，Kay表示未有留意報道，但透露Louis與舊唱片公司合約已滿，亦有與不同公司接洽，她說：「對佢才華同前路好有信心，但應該唔會同公司喇。」Kay說老公身邊多人幫助，更有不少人託她送上支持，她說：「有同佢講好多人錫佢，唔使擔心。（老公有擔心過？）有一排話佢工作量嘅時候啦。（佢介意指你養家？）根本係畀人屈，身為一家之主呢啖氣好難下，第一下睇到都會眼火爆，但傷唔到入肉。（鬆口氣？）冇所謂，都係傳聞，我哋一直生活穩定唔擔心。」

謝安琪與關楚耀老友鬼鬼，一同出席活動有說不完的話題。

官恩娜唱歌備受讚許。

另外，有傳Louis將延遲音樂會攻入紅館，Kay透露老公一直籌備音樂會，對歌手而言場地並不重要，望老公能將音樂才華一面展露人前。

關楚耀認夜蒲

同場的Kelvin對於早前流出他與新八模中的何佩瑜（Jeana）夜蒲照，他說：「嗰日係去朋友生日會唱K，應該係3、4個月前，唔係特登約，搵唔到理由推搪唔影相。（影響形象？）同洗心革面係另一件事，公司冇叫我唔好做啲乜，自己會知道，其實我都好少出去玩。」Kelvin透露正籌備下月的校園巡迴活動，到時會分享自己的故事，希望畀學生一個借鏡。

採訪：音樂組