趙碩之頭頭是道封球王

趙碩之、戴夢夢及尹蓁晞（Yumi）昨日化身「足球寶貝」，低胸出席《PS3遊戲-球皇揭幕禮@奧海城》，示範頂頭槌、帶波過雪糕筒，一時間球來球往，當中趙碩之穿上黃、綠兩色近似巴西球衣的tube top，寓意最好波。

碩之為頂靚頭槌，不時彎身露出「事業線」，衝前迎頂時更險些擦傷膝蓋，她說：「我呢輪都有睇波，仲捉埋屋企隻貓一齊睇，因為佢平時好鍾意玩波，我咪捉埋佢望實電視，叫佢學吓人哋點踢波囉！（唔出街睇？）我唔想半夜三更出外面睇，況且我都有屋企人一齊睇。我支持英格蘭，如果有碧咸，我老早去咗南非睇現場。」

夢夢則餓人多過餓波，她說：「我晚晚睇天光，阿媽話今屆啲波唔好睇，我覺得OK。睇見啲球員好大隻，睇到都覺得好型，我睇好英格蘭贏斯洛文尼亞2:0或者2:1，到時我可以繼續撐阿根廷同英格蘭。」

Yumi則說：「我呢個禮拜或者可以陪男友睇波，之前因為有工作。我撐英格蘭，就算冇碧咸都照撐。」

文：影視組