祥仔感激愛兒關心
黎耀祥與十二歲兒子黎正橋感情要好，近期雖忙拍劇，但若有空能提早回家吃飯，兒子都會推掉約會返家共享天倫，令祥仔非常窩心。
祥仔表示踏入春青期的兒子，會以另一種方式與他慶祝父親節：「以前細個都會畫吓卡咁，男仔都係粗心大意，好多嘢在心中。不過佢都OK，我都好滿足，佢平時較黐我、嗲我，又會攬我錫啖我，喺屋企睇電視又會挨住我。我雖然忙，但一有時間都會陪佢，教佢游水、踩單車、捉棋同佢傾偈。（有冇怨你冇時間陪佢？）間唔中，尤其呢排，我老婆話佢成日都問爹哋幾時返。個仔見到我咁忙，都會好肉赤，叫我做嘢小心啲。就係呢啲一句半句．我已經好感動。」